இப்போது என்பது இப்போதல்ல

 

இப்போது விழும் சூரிய ஒளி

இப்போது விழும் ஒளி அல்ல.

இன்றைக்குத் தெரியும்

நட்சத்திரங்கள்

இன்றைக்கானவை அல்ல.

இப்போது வந்த ஒலி

எப்போதோ துவங்கியது.

இப்போது ஓடும் நதி

இப்போதும் ஓடுகிறது

எங்கோ ஓரிடத்தில்.

இந்த நொடியில் எனும்போதே

கடந்துவிடுகிறது இந்த நொடி.

இப்போது தழுவும் காற்று

துவங்கிய இடத்தில்

இப்போது இல்லை.

இப்போது தெரியும் நான்

இப்போதைய நானும் அல்ல.

நன்றி: வாசகசாலை.காம்