Wednesday, February 24, 2010

சிந்திக்க வைத்த ஸ்ரீ பிரியாவும், குஷ்புவும்




சன், கலைஞர், விஜய் என்று எதைத் திருப்பினாலும் ஒரு ஆபாசக் குப்பை அல்லது அறுவை தொடர்கள் தான். ஆனால் சில நேரங்களில் அவர்களுக்கே தெரியாமல் நல்ல நிகழ்ச்சிகளையும் ஒளிபரப்புகிறார்கள்.

திங்கள்கிழமை இரவு 10 மணிக்கு ஒரு நிகழ்ச்சியை கலைஞர் டி.வி.யில் ஒளிபரப்புகிறார்கள். மானாட மயிலாட போன்ற ஆபாச கூத்துக்களையும், பாசத் தலைவனுக்கு பாராட்டு விழா என்ற பெயரில் நடக்கும் கும்மாங்குத்து நடனங்களையும் பார்ப்பதற்கு எப்போதுமே எனக்கு விருப்பம் இல்லை.

தனியாக இருக்கும் போது பார்க்க ஆவல் இருந்தாலும் (ஜாள்ளத் துடைச்சிட்டேன்) வீட்டில் பெற்றோர், சகோதரிகள் இருக்கும் போது பார்ப்பதற்கு சங்கடமாக இருக்கும். அதனாலேயே சிரிப்பொலி, ஆதித்யா தவிர எந்தச் சேனலும் நான் பார்ப்பதில்லை. எந்தச் சேனலைத் திருப்பினாலும் சினிமா அல்லது சினிமா பாடல் அல்லது சினிமாவை வைத்து குத்தாட்டம் என்று ஒரு விரசமாக மாறிவிட்டது சாட்டிலைட் சேனல்கள்.

ஆனால் சேற்றில் முளைத்த செந்தாமரை என்பார்களே அது போல ஒரு சில நல்ல நிகழ்ச்சிகளும் சன், கலைஞர் டிவிகளில் வருகின்றன. அதில் பூவா தலையா என்ற ஒரு நிகழ்ச்சி கலைஞர் டிவியில் திங்கள் இரவு 10 மணிக்கு வருகிறது. முழுவதும் பெண்களே விவாதிக்கும் ஒரு அரங்கம். ஒரு தலைப்பு, இரு பிரிவுகள். நடுவர்களாக நம்ம குஷ்பு, ஸ்ரீ பிரியா.

எல்லோருக்கும் இருக்கும் ஆதங்கம் போல, கலைஞர் டி.வி உள்பட எல்லா சானல்களும் தமிழைக் கொலை செய்கின்றன என்ற ஆதங்கம் எனக்கும் உண்டு. ஆனால் இந்த நிகழ்ச்சியில் ஓரளவுக்குத் தமிழ் பேசுகிறார்கள். ஓரளவுக்குத்தான். ஆனால் குஷ்புவை பாராட்டியே ஆக வேண்டும். பொதுவாக
நடிகைகளில் எனக்கு சமீப காலமாகப் பிடித்தவர் குஷ்பு. அழகுக்காக மட்டுமல்ல. அவர் பேசும் தமிழ். உச்சரிப்பு கூட ஓரளவு மிகச் சரியாகப் பேசுகிறார். ஆனால் பெரியார் கொள்கைகள் என்பதை கொள்ளைகள் என்று சொன்னதை ஏற்க முடியாது. பாவம் விட்டு விடுவோம். நமீதாவை விட நன்றாகவே பேசுகிறார். படிக்கிறார். ஜாக்பாட் நிகழ்ச்சியில் படித்தாரே. (ஒரு வேளை ஆங்கிலத்தில் எழுதி வைத்துப் படித்தாரோ?)

பூவா தலையா நிகழ்ச்சியில் கடந்த வாரம் தமிழை வளர்த்தது பழைய திரைப்படங்களா புதிய திரைப்படங்களா என்ற விவாதம் நடந்தது.
 பங்கேற்றவர்கள் பெரும்பாலும் நல்ல தமிழிலேயே பேசினர். விதிவிலக்காக சிலர் ஆங்கிலம் கலந்து பேசினாலும் தங்கள் தவறை உணர்ந்து தமிழிலேயே பேசினார்கள்.

ஸ்ரீ பிரியா மிகத் தெளிவாக தமிழில் அழகாகப் பேசினார். அதிலும் ரேடியோ என்பதற்கு வானொலி என்று கூட அழகுத் தமிழில் பேசினார். நிறைய தமிழச் சொற்களைப் பேசினார்கள். இதில் ஆச்சரியப்பட ஒன்றும் இல்லை. ஆனால்
வட இந்தியப் பெண்ணான குஷ்பு தனது குழந்தைகளுக்கு தமிழ் பாடத்தை அவரே வீட்டில் சொல்லிக் கொடுப்பதாகச் சொன்னார். அது தான் ஆச்சரியம். உண்மையாக இருக்கும் என்றே நம்புகிறேன். இந்த ழ, ல, ள உச்சரிப்புதான் சமயத்தில் எனக்கு வரமாட்டேன் என்கிறது என்று சொன்னார்.

முடிவு என்னவோ பழைய திரைப்படங்களே தமிழை வளர்த்தன என்பதுதான். அதுவல்ல முக்கியம். அங்கு பேசிய இரு நடிகைகளின் தமிழ் பற்றிய அக்கறைப் பேச்சே முக்கியம்.

அதிலும் ஸ்ரீ பிரியா சொன்னது. தமிழை யாரும் வளர்க்க வேண்டாம். அதை சரியாக உச்சரித்தாலே போதுமானது. தமில், டமில், டாமில், என்று சொல்லாமல், உங்கள் தாயை அழைப்பது போல் அழகாக தமிழ் என்று முதலில் பேசுங்கள் என்றார். இத்தனைக்கும் அவர் பள்ளியில் தமிழ் படிக்கவில்லை என்றார். திரைப்பட வசனகர்த்தாக்களே தன்னை நல்ல தமிழ் பேச வைத்தார்கள் என்றார்.

இதெல்லாம் எழுதிக் கொடுத்து பேசிய பேச்சுகளாக நினைக்கலாம். ஸ்ரீ பிரியா தமிழ் நடிகை அதனால் அப்படி நினைக்க முடியவில்லை. குஷ்புவை பொருத்தவரை ஜெயா டி.வி. ஜாக்பாட் நிகழ்ச்சியிலிருந்தே அவரது தமிழை கவனித்து வருகிறேன். முடியாத இடத்தில் மட்டுமே ஆங்கிலம் பேசுகிறார். அதனால் இந்த நிகழ்ச்சியிலும் இந்த பகுதி மட்டுமல்ல எல்லா பகுதியிலும் நல்ல தமிழே பேசுகிறார். ஏன் மற்ற நடிகை, நடிகர்கள் நல்ல தமிழ் மட்டுமல்ல தமிழே பேசுவதில்லை என்று சிந்திக்கத் தோன்றுகிறது.

கடைசியாக ஒன்று. அதில் பேசிய ஒரு பெண், இந்தக் காலத்திற்கு ஏற்ப ஆங்கிலம் கலந்து வசனம் வருவது இயற்கைதானே அதை ஏன் எதிர்க்க வேண்டும் என்று கேட்டார்.

அதற்கு ஸ்ரீ பிரியா சொன்ன பதில் சிரிக்க மட்டுமல்ல சிந்திக்கவும் வைத்தது.


இங்க பாருமா......ஊரான் புள்ளைய வளக்கறதுக்காக உன் புள்ளைய அம்மணமா விடாதே.

இது எப்படி இருக்கு?

மனதுக்கு நிறைவாக இருந்த ஒரே உருப்படியான டி.வி. நிகழ்ச்சி பூவா, தலையா.

17 comments:

SUREஷ் (பழனியிலிருந்து) said...

//இங்க பாருமா......ஊரான் புள்ளைய வளக்கறதுக்காக உன் புள்ளைய அம்மணமா விடாதே.//


என்ன ஒரு சத்தியமான வார்த்தைகள்

ராஜ நடராஜன் said...

நானே முதலில் தமிழ் படிப்பேன்!

subra said...

தமிழ் நாடுல(பெயரளவில் )தமிழில் பேசுவது
அட பருப்ப எவ்வவளவு அதிசயமா இருக்கு

நாஞ்சில் பிரதாப் said...

இப்படில்லாம் வேற நிகழ்ச்சி நடத்துறாங்களா??? ஆச்சர்யமா இருக்கே...

ஸ்ரீப்ரியா பேசற தமிழ் சுத்தமா இருக்கும். இந்தமாதிரி நிகழ்ச்சிக்கு குஷ்புல்லாம் ஓவர்...

திகாஷ் said...

Good one...

Chitra said...

இங்க பாருமா......ஊரான் புள்ளைய வளக்கறதுக்காக உன் புள்ளைய அம்மணமா விடாதே.


.......... சரியா சொல்லி இருக்காங்க. டமில் வால்க!

பத்மஹரி said...

தமிழ் பேசாம தமிலிலியோ,தாமிலிலியோ பேசும் அற்பர்களுக்கும் சரியான அறைதான்
"இங்க பாருமா......ஊரான் புள்ளைய வளக்கறதுக்காக உன் புள்ளைய அம்மணமா விடாதே" (இதுக்காக மட்டும் வாழ்க ஸ்ரீப்ரியா)
நல்ல பதிவு. பகிர்வுக்கு நன்றி!

பத்மஹரி said...

தமிழ்ல பேசாம தமிலிலோ/தாமிலிலோ பேசும் அற்ப ஜென்மங்களுக்கு சரியான அறைதான்
//இங்க பாருமா......ஊரான் புள்ளைய வளக்கறதுக்காக உன் புள்ளைய அம்மணமா விடாதே//
(இதுக்காக மட்டும் வாழ்க ஸ்ரீப்ரியா)
நல்ல பதிவு. பகிர்வுக்கு நன்றி!

ரகுநாதன் said...

@ SUREஷ் (பழனியிலிருந்து)
நீங்கள் சொல்வது சரி :)

ரகுநாதன் said...

@ராஜ நடராஜன்

நன்றி :)

ரகுநாதன் said...

நன்றி subra and thikash :)

ரகுநாதன் said...

@நாஞ்சில் பிரதாப்
//இந்தமாதிரி நிகழ்ச்சிக்கு குஷ்புல்லாம் ஓவர்...//

ஏன் இந்த கொல வெறி ;)

ரகுநாதன் said...

@ சித்ரா
ஹ ஹ ஹா :)

ரகுநாதன் said...

வாங்க பத்மஹரி, உங்கள் கனிவான கருத்துக்கு நன்றி :)

Anonymous said...

//ஆனால் பெரியார் கொள்கைகள் என்பதை கொள்ளைகள் என்று சொன்னதை //

குஷ்பு சொன்னதில் தவறில்லையே.பெரிய தாடிக்கார அய்யா செய்தது கொளளைகள் அல்லாமல் வேறு என்ன என்று கேடிகிறேன்.திராவிட வெங்காய வியாபாரம் செய்து கொள்ளை அடித்தது குற்றம் என்றால்,அதைவிட பெரிய குற்ற்ம் கொள்ளை அடித்து சேர்த்த சொத்தை முண்டம் சூரமணிக்கு விட்டு போனது.

ரகுநாதன் said...

@ அநானி
பெரியார் ஒன்றும் மஞ்சப்பை எடுத்துக் கொண்டு வந்தவர் அல்ல. அவரே பெரும் பணக்காரர்தானே. அவர் சேர்த்த சொத்தைவீரமணிக்கு கொடுத்தது வே ண்டுமானால் குற்றம் என்று சொல்லுங்கள்.

வெங்கட் said...

ரொம்பத்தான் நல்லா இருக்கு...