Monday, May 25, 2009

பிரபாகரனின் வீரச்சாவில் விளையாடும் நெடுமாறன், வைகோ, பத்மநாதன்



















போகிற போக்கை பார்த்தல் சிங்கள அரசே பரவா இல்லை போல இருக்கிறது. அவர்களை பொறுத்த வரை போர் முடிந்து விட்டது. பிரபாகரன் கிளைமாக்ஸ் காட்சியில் கொல்லப்பட்டார். (நமக்கு வீரச்சாவு). அறிவியலில் உச்சபச்ச வளர்ச்சி கொண்ட இலங்கையில் இரண்டு மணி நேரத்தில் டி.என். சோதனை செய்து உறுதி ஆகியது. பின்னர் சடலத்தை எரித்து இந்துமா கடலில் சாம்பலை எரிதாகி விட்டது. அப்படியே பதினாறாம் நாள் காரியம் செய்தால் எல்லாம் முடிந்தது.

லண்டனில் இருக்கும் செய்தி தொடர்பாளர் முதலில் தலைவர் உயிருடன் உள்ளார் என்றார். வைகோ, பழ.நெடுமாறன் போன்றோரும் உறுதி செய்தனர். நக்கீரனும் தன் பங்குக்கு செய்தி போட்டு காசு பார்த்தது. பிறகு புலனாய்வு செய்தி தொடர்பாளர் என்று ஒருவர் தலைவர் பிரபாகரன் உயிருடன் உள்ளார் என்று அதிகாரப் படி அறிவித்தார். தமிழ் மக்களின் நெஞ்சில் பால் வார்த்து போல இருந்தது அந்த செய்தி.

கொஞ்சம் கவலை மறந்து இருந்த நிலையில் (அதாவது தலைவரின் இருப்பு குறித்து மட்டுமே. தமிழர்கள் முகாம்களில் படும் அவலம் குறித்த கவலை உயர்ந்து கொண்டுதான் இருக்கிறது.) லண்டன் பத்மநாதன் முழ நீள அறிக்கை ஒன்றை வெளியிட்டு ஒரு மாவீர வணக்கத்துடன் தலைவர் வீரச்சாவு அடைந்து விட்டார் என்கிறார். ஏன் இந்த முரண்பாடு. அப்படியே மரணம் என்றாலும் மாவீரனுக்கு செலுத்தும் அஞ்சலி வெறும் ஒரு பக்க அறிக்கை மட்டும்தானா. கூட்டங்கள், இரங்கல் ஊர்வலம் இல்லையா? முத்துகுமரனுக்கே மாபெரும் ஊர்வலம் நடந்ததே? இதில் இருந்து அவரது அறிக்கையில் சந்தேகம் எழுகிறது.

ஒரு வேளை அவரும் மகிந்தா கோத்தா கருணாவுடன் அன்ட் கோ போட்டுவிட்டாரா? தலைவர் முழு பலத்துடன் இருந்த போதே கருணா துரோகம் இழைத்தான். இப்போது தனது பலத்தை இழந்து உள்ளதால் ஒன்றும் செய்ய முடியாது என்ற நினைப்பில் பணத்தை அமுக்க இப்படி ஒரு அறிக்கையா? புலம் பெயர் தமிழரின் போராட்டத்தை நசுக்க நடக்கும் நாடகமா? சர்வதேசத்தை குழப்ப எடுத்த முடிவா?

அல்லது மாவிலாறில் தொடங்கி, முள்ளி வாய்க்கால் வரையிலான ராஜதந்திரத்தில் இதுவும் ஒன்றா?

தமிழ்நாடில் இரண்டே பேர் மட்டுமே இப்போது தலைவர் உயிருடன் இருப்பதாக சொல்கிறார்கள். பழ.நெடுமாறன், வைகோ. இருவரும் பத்மநாதன் அறிக்கைக்கு பதில் கொடுத்து உள்ளனர், இதுவரை சிங்கள அரசு மீது சந்தேகமே இல்லை. அவர்கள் சொல்வது பொய் என்று வெட்ட வெளிச்சம் ஆகிவிட்டது. ஆனால் இப்போது தமிழ் உணர்வாளர்கள் சொல்வது உண்மையா என்று சந்தேகம் எழுகிறது.

ஒரு வேளை அவர்கள் உண்மையை மறைக்கிறார்களா? ஆம் என்றால் ஏன்? இல்லை என்றால் தலைவர் பிரபாகரன் இருப்பதை அவர்கள் எப்படி உறுதி செய்தார்கள்.? தொடர்ந்து உறுதியுடன் சொல்கிறார்கள்? தலைவரின் வீர மரணத்தை இப்படி மறைப்பது ஏன்? அல்லது சிங்கள இந்திய அரசின் உளவுத்துறை சூழ்ச்சிக்கு பலியாகி எங்கே இருக்கிறார் என்று சொல்லிவிடக் கூடாது என்று வேறு எந்த பதிலும் சொல்ல மறுக்கிறார்களா? சின்ன துப்பு கிடைத்தாலும் அந்த இடத்தில ஊடுருவி தலைவரை பிடித்து விடுவர் என்பதால் சொல்ல மறுக்கிறார்கள் என்று வைத்துக் கொண்டாலும், இது ஒன்றும் அமைதிக் காலம் இல்லை. போரே முடிந்து விட்டது. அதனால் பிரபாகரன் உயிருடன் இருந்தால் தனது பாதுகாப்பில் சின்ன ஓட்டை கூட இல்லாமல் இருக்க வேண்டிய தருணம். அதனால் அவர் தொலைபேசி பயன்படுத்த வாய்ப்பு இல்லை. அவருடன் இருக்கும் வேறு யாரும் பயன்படுத்தவும் வாய்ப்பு இல்லை. பிறகு நெடுமாறன், வைகோவுடன் தொடர்பு எப்படி?

புலிகளின் செய்தி தொடர்பாளர் புதிய அறிக்கை ஏன் எதற்காக வெளியானது. இவ்வளவு சாதாரணமாக அந்த செய்தியயை வெளியிட காரணம் என்ன? ஒரு வேளை சுபாஷ் சந்திர போஸ் போல தலைவர் பிரபாகரனின் வீர மரணத்தை மாற்ற முயற்சி செய்கிறார்களா? வைகோ, நெடுமாறன் சொல்வது எத்தனை சதவீதம் உண்மை? ஏன் இந்த குழப்பம், பிரபாகரன் மரணம் என்றால் பொட்டு, சூசை எங்கே?

நெடுமாறன், வைகோ சொல்வது உண்மையா? பத்மநாதன் சொல்வது உண்மையா?, எங்கே அந்த புலனாய்வு செய்தி தொடர்பாளர் அறிவழகன்?

செய்தியை உறுதி படுத்த முடியாததால் பிரபாகரன் வீரச்சாவு குறித்து வெளியிடும் செய்திகளுக்கு நாங்கள் பொறுப்பு இல்லை என்று தமிழ்நெட்.காம் சொல்கிறதே ஏன்?

As TamilNet is being heavily pressed by its readership to know the truth, it has become a necessity to state that TamilNet doesn't take any responsibility for any of the stands taken, as these are beyond its independent verification.

http://www.tamilnet.com/art.html?catid=13&artid=29446

இது பற்றி நாம் குழம்பாமல் இருக்க மூன்று வழி தான் உள்ளது.

1. இப்போதைக்கு தலைவர் பிரபாகரனின் இருப்பு குறித்த சர்ச்சயயை விட்டு, தமிழர் இலங்கையில் படும் வலியை உலகுக்கு உணர்த்த போராட்டத்தை தொடர்வது.

2. தலைவரே மீண்டும் (உயிருடன் இருந்தால்) வீடியோவிலோ, உண்மையான தேதியுடன் கூடிய புகைபடதிலோ வருவது

3. இதை கண்டு கொள்ளாமல் நமது வேலையை பார்க்கப் போவது.

அய்யா தமிழ் உணர்வாளர்களே....ஏன் இப்படி குழப்புகிறீர்கள்? ஒண்ணுமே புரியல. பைத்தியம் பிடிக்காதது ஒண்ணுதான் குறை.

11 comments:

Anonymous said...

இதற்க்குதனா ஆசை பட்டிர்கள் தமிழின விரோதிகளே...

mathi

ரகுநாதன் said...

யாரை சொல்கிறீர்கள் மதி?

Anonymous said...

இணைய புலிகளே டேய் விட்டு தொலைங்கடா
உண்மையில் உங்களுக்கு தமிழ் உணர்வு இருந்தால் முகாமில் அவதி படும் மக்களுக்கு ஒரு வேளை நல்ல உணவுக்கு ஏற்பாடு செய்யுங்கள்.

பொறம்போக்களே தலைவனை போர் செய் வீர பரம்பரை சூரிய தேவன் என்று ஏத்தி விட்டு இப்போ தோற்றவுடன் ஆராய்சி வேறு.

karthiksve said...

மாவீரன் பிரபாகரன் உயிருடன் இருக்கிறாரா இல்லையா என்று காலம் தான் பதில் கூற வேண்டும். லட்சகனாக்கான தமிழர்கள் உலகெங்கும் பிரபாகரன் உயிருடன் இருக்கிறார் தக்க சமயத்தில் வெளியே வருவார் என்று நம்பிக்கொண்டிருக்கின்றனர். அந்த ஒரு நம்பிக்கையே போதும் அவருக்கு ஒன்றும் ஆகாது. நெடுமாறன், வைகோ போன்றவர்கள் தமிழர்களை வைத்து பிழைப்பு நடத்தி கொண்டிருக்கிறார்கள். அவர்கள் சொல்வதை பற்றியும் கவலைபட தேவையில்லை

ரகுநாதன் said...

அட அனானி...அதாண்டா நானும் கேட்கிறேன்....நீ தினமும் அவர்களுக்கு அன்னதானம் செய்வதாக கேள்விபட்டேன்..அது உண்மையா?

ரகுநாதன் said...

வாங்க கார்த்தி...அந்த நம்பிக்கை எனக்கும் உண்டு...ஆனால் இப்பொது வருகிற செய்திகளை படித்தால் அச்சமாக உள்ளது. குமுதம் ரிபோர்டர் படித்திருப்பீர்கள்...எதையும் நாம் மறுப்பதற்கு இல்லை. துரோகத்தால் கூட அது நிகழ்ந்திருக்கலாம்...அப்படி எதுவும் நடந்திருக்க கூடாது என்பதே வேண்டுதல். ஆனால் வைகோ, நெடுமாறன் உண்மையை மறைக்கிறார்களோ என்று ஒரு பக்கம் சந்தேகம் இருந்து கொண்டே இருக்கிறது. பொறுத்திருந்து பார்ப்போம்.

Anonymous said...

ரிப்போர்டரில் நானும் படித்தேன். ஒரே குழப்பமா உள்ளது. நீங்கள் சொல்வது சரிதான். பொறுத்து பார்ப்போம். வேறென்ன சொல்ல.

ரகுநாதன் said...

yes. anony.

Anonymous said...

dont fall prey to blog tigers.

Anonymous said...

digital tigers dont u have any work except researching prabha's death?

மு.இரா said...

எந்த ஊரய்யா நீ? இலங்கையில் DNA பரிசோதனை நடத்த ஆய்வுகூடமே கிடையாது....
இவன்... புலிமகன்.com